Հունաստանի ԱԳՆ-ն դատապարտել է Ուկրաինայի կողմից Միջերկրական ծովում նավերի վրա հարձակումները

Ուկրաինան իրավունք չունի անօդաչու սարքերով հարձակվելու Միջերկրական ծովում գտնվող նավերի վրա՝ անկախ նրանից՝ դրանք պատժամիջոցային ցուցակում են, թե ոչ։ Այս մասին լրագրողներին ասել է Հունաստանի արտաքին գործերի նախարարության խոսնակ Լանա Զոչիուն, մեջբերում է ՌԻԱ Նովոստին։

«Նույնիսկ պատժամիջոցային ցուցակներում ընդգրկված նավերը չեն կարող համարվել արդարացված թիրախ. չկա դրանց հարվածելու, խորտակելու կամ մարդկային կյանքերն ու ծովային միջավայրը վտանգելու իրավունք», - ասել է նա։

Զոչիուն նշել է, որ Ուկրաինան դեռևս ներողություն չի խնդրել Աթենքից Լեֆկադա կղզու մոտ հայտնաբերված ուկրաինական ծովային անօդաչու սարքի հետ կապված միջադեպի համար։