Պուտինը միջուկային զենքի կիրառումը անվանել է «ծայրահեղ միջոց»

Ռուսաստանի նախագահ Վլադիմիր Պուտինը հայտարարել է, որ միջուկային զենքի կիրառումը դիտարկվում է միայն որպես բացառիկ և ծայրահեղ միջոց՝ ազգային անվտանգության ապահովման համար։ Այս մասին հայտնում է РИА Новости-ն՝ անդրադառնալով Ռուսաստանի և Բելառուսի համատեղ միջուկային ուժերի զորավարժություններին։

Պուտինը տեսազանգի միջոցով մասնակցել է ռազմավարական միջուկային ուժերի մարզմանը և նշել, որ ներկայիս միջազգային լարվածության պայմաններում միջուկային եռյակը պետք է շարունակի մնալ Ռուսաստանի և Բելառուսի միութենական պետության ինքնիշխանության հուսալի երաշխավորը։

Ավելի վաղ Ռուսաստանի պաշտպանության նախարարությունը հրապարակել էր զորավարժությունների կադրեր, որտեղ երևում էին մարտական դիրքեր շարժվող հրթիռային համալիրներ, բալիստիկ հրթիռներով ատոմային սուզանավեր և «Кинжал» հիպերձայնային հրթիռներով զինված ավիացիա։ ՌԴ զինված ուժերի լայնածավալ միջուկային զորավարժությունները մեկնարկել էին մայիսի 19-ին, և դրանցում ներգրավված են տասնյակ հազարավոր զինծառայողներ ու հազարավոր միավոր ռազմական տեխնիկա։