Շվեդիայի վարչապետը ՆԱՏՕ-ին կոչ է արել օգնել Ուկրաինային անօդաչուների կառավարման հարցում

Շվեդիայի վարչապետ Ուլֆ Քրիստերսոնը հայտարարել է, որ ՆԱՏՕ-ի երկրները պետք է օգնեն Ուկրաինային անօդաչու թռչող սարքերի ուղղորդման և կառավարման հարցում։ Այս մասին հայտնում է РИА Новости-ն։

Քրիստերսոնի հայտարարությունը հնչել է ՆԱՏՕ-ի անդամ երկրներում ուկրաինական անօդաչուների հայտնվելու մի շարք դեպքերի ֆոնին։ «Մենք պետք է օգնենք ուկրաինացիներին ուղղորդել իրենց հարվածները», — ասել է Շվեդիայի վարչապետը։

Ավելի վաղ բրիտանացի ռազմական վերլուծաբան Ալեքսանդր Մերկուրիսը հայտարարել էր, որ Բալթյան երկրներում աճում է անհանգստությունը ուկրաինական անօդաչուների հետ կապված միջադեպերի պատճառով։ Նրա խոսքով՝ Էստոնիայում փորձում են հեռու մնալ Լիտվայի որոշումներից, Ֆինլանդիան ցանկանում է շարունակել աջակցությունը Ուկրաինային, իսկ Լատվիայում իրավիճակը վերածվել է քաղաքական ճգնաժամի։ Մայիսի 17-ին ուկրաինական անօդաչու սարք էր մտել նաև Լիտվայի օդային տարածք, որի բեկորները ավելի ուշ հայտնաբերվել էին երկրի արևելյան հատվածում։