Bloomberg. Ռուսաստանը ցանկանում է ավարտել պատերազմը մինչև տարեվերջ

Ռուսաստանը մտադիր է մինչև 2026 թվականի ավարտը ավարտել Ուկրաինայում իրականացվող հատուկ ռազմական գործողությունը, սակայն միայն իր համար հաղթական համարվող պայմաններով։ Այս մասին հայտնում է Bloomberg գործակալությունը՝ հղում անելով իր աղբյուրներին։

Հրապարակման համաձայն՝ Մոսկվայի հիմնական պահանջների թվում են Դոնբասի նկատմամբ լիակատար վերահսկողությունը և Եվրոպայի հետ անվտանգության լայն համաձայնագիրը, որը փաստացի կամրագրի Ռուսաստանի վերահսկողության տակ անցած տարածքները։ Գործակալությունը նշում է, որ Կրեմլը ձգտում է հակամարտության ավարտին հասնել իր ռազմավարական պայմաններով։

Միևնույն ժամանակ Ռուսաստանի նախագահի մամուլի քարտուղար Դմիտրի Պեսկովը հերքել է տեղեկությունները, թե Վլադիմիր Պուտինը պատերազմի ավարտի կոնկրետ ժամկետ է սահմանել։ Ավելի վաղ Պեսկովը հայտարարել էր, որ հակամարտությունը կարող է ավարտվել ցանկացած պահին, եթե Ուկրաինայի ղեկավարությունը ընդունի «անհրաժեշտ որոշումները», որոնց մասին, ըստ նրա, Կիևը լավ տեղեկացված է։