«Քաղաքներում, որտեղ միտինգներ ենք անում, չենք կարողանում նույնիսկ մեկ երգիչ գտնել, որ քարոզարշավի օրը համերգային ծրագրով ամփոփենք»․ Սամվել Կարապետյան

Վարչապետի թեկնածու Սամվել Կարապետյանը դժգոհել է, որ ոչ միայն գործարարներն, այլև երգիչներն են իշխանության վախից խուսափում իրենից և չեն ցանկանում մասնակցել իր քարոզարշավից հետո կազմակերպվող համերգներին։ «Քաղաքներում, որտեղ միտինգներ ենք անում, չենք կարողանում նույնիսկ մեկ երգիչ գտնել, որ քարոզարշավի օրը համերգային ծրագրով ամփոփենք։ Բոլորը թռած են, չկան, փախած են ման գալիս»,- ասել է նա։ Այս մասին հայտարարել է վարչապետի թեկնածու Սամվել Կարապետյանը, ով տասնյակ տարիներ Մոսկվայում կազմակերպել է «Տաշիր» մրցանակաբաշխությունը և բարձր հոնորարներ վճարել հայ երգիչ-երգչուհիներին։ «Նույնիսկ ԱՄՆ տեղափոխվածներին ենք առաջարկներ անում, 10 անգամ ավելի գումար ենք առաջարկում, բայց չեն գալիս»,- նշել է նա։ Սակայն, ըստ նրա, սա ճիշտ մոտեցում չէ, քանի որ մշակույթի գործիչներն ու երգիչները պետք է լինեն այս շարժման առաջամարտիկներն ու լոկոմոտիվը։