Երբ չարժե բանակցություններ սկսել՝ ըստ Լավրովի

Ռուսաստանի արտաքին գործերի նախարար Սերգեյ Լավրովը հայտարարել է, որ ավելի լավ է չսկսել բանակցություններ, եթե նախապես պարզ է, որ համաձայնության չեն հասնի։ Նրա խոսքերը հաղորդել է ՌԻԱ Նովոստին։

«Եթե բանակցությունների մեկնարկից առաջ դուք արդեն գիտեք և հասկանում եք, որ համաձայնության չեք հասնի, ավելի լավ է չսկսել և ժամանակ չվատնել», - ասել է Լավրովը։

Ըստ նրա, ամեն անգամ, երբ Ռուսաստանը սկսում է բանակցություններ, նրա նպատակը համաձայնության հասնելն է։

Նա հավելել է, որ համաձայնագիրը միշտ փոխզիջում է, «եթե դուք ցանկանում եք համաձայնության հասնել ինչ-որ մեկի հետ, հատկապես եթե այդ «մեկը» միջազգային կազմակերպության բազմակի անդամ է»։