Աննա Սեդոկովան հանրության առաջ հայտնվել է 5,5 միլիոն ռուբլի արժողությամբ ժամացույցով

«ՎԻԱ Գրա» խմբի նախկին մեներգչուհի Աննա Սեդոկովան մասնակցել է ռուսական Mastersuit բրենդի նորաձևության ցուցադրությանը՝ ուշադրություն գրավելով իր շքեղ աքսեսուարով։ Երգչուհին միջոցառմանը ներկայացել է սև, մարմնին կիպ զգեստով և բարձրակրունկ կոշիկներով։

Սեդոկովայի կերպարի գլխավոր առանձնահատկությունը դարձել են շվեյցարական Chopard ընկերության ձեռագործ ժամացույցները։ Telegram-ի «Звездач» ալիքի տվյալներով՝ սպիտակ ոսկուց և ադամանդներից պատրաստված այդ մոդելի արժեքը կազմում է շուրջ 5,5 միլիոն ռուբլի։

43-ամյա երգչուհին տեսանյութը հրապարակել է Instagram-ի իր էջի սթորի բաժնում։ Ավելի վաղ շքեղ կերպարով հանրության ուշադրության կենտրոնում էր հայտնվել նաև հաղորդավար Քսենիա Սոբչակը, որը Կաննի միջոցառմանը ներկայացել էր մոտ երկու միլիոն ռուբլի արժողությամբ հագուստով։