Կուբայից Ռուսաստանի քաղաքացիներին տարհանելու հարցը սեղանին դրված չէ․ դեսպան Կորոնելլի

Ռուսաստանը չի պատրաստվում տարհանել իր քաղաքացիներին Կուբայից, «Իզվեստիային» ասել է կղզում Ռուսաստանի դեսպան Վիկտոր Կորոնելլին։

Նրա խոսքով՝ Կուբայի բնակչությունը պատրաստվում է էսկալացիայի՝ Վաշինգտոնից եկող սպառնալիքների ֆոնին։ Ստեղծված իրավիճակում տեղի բնակիչները հատուկ ուշադրություն են դարձնում քաղաքացիական պաշտպանության ազգային շտաբի կողմից անցկացվող կանոնավոր զորավարժություններին։

Ավելի վաղ ԱՄՆ պետքարտուղար Մարկո Ռուբիոն հայտարարել էր, որ ԱՄՆ-ն կնախընտրեր Կուբայի հետ հարաբերությունները կարգավորել խաղաղ ճանապարհով, սակայն նման սցենարի հավանականությունը ցածր է։