Պուտինը ցավակցել է Սի Ծինփիին Չինաստանի ածխահանքում տեղի ունեցած ողբերգության կապակցությամբ

Ռուսաստանի նախագահ Վլադիմիր Պուտինը խորին ցավակցություն է հայտնել Չինաստանի նախագահ Սի Ծինփինին՝ Չինաստանի Շանսի նահանգում ածխահանքում տեղի ունեցած ողբերգության կապակցությամբ։ Հեռագիրը հրապարակվել է Կրեմլի կայքում։

«Հարգելի պարոն նախագահ, սիրելի բարեկամ։ Խնդրում եմ ընդունեք իմ խորին ցավակցությունները Շանսի նահանգում ածխահանքում տեղի ունեցած աղետի ողբերգական հետևանքների կապակցությամբ», - ասվում է հեռագրում։

Պուտինը նաև խնդրել է իր ցավակցություններն ու աջակցությունը փոխանցել զոհված հանքագործների ընտանիքներին, ինչպես նաև շուտափույթ ապաքինման մաղթանքներ՝ բոլոր վիրավորներին։

Ուրբաթ օրը՝ տեղական ժամանակով ժամը 19:29-ին (Մոսկվայի ժամանակով ժամը 14:29-ին), Ցինյուան ​​շրջանի Լուսենյու ածխահանքում գազի պայթյուն է տեղի ունեցել, երբ հանքում 247 աշխատող է եղել։

Դեպքի վայրում որոնողական-փրկարարական աշխատանքները շարունակվում են, և իրավասու մարմինները հետաքննում են պայթյունի պատճառները։