Ռուս-ուկրաինական պաատերազմի նպատակների իրականացումը կամրապնդի Ռուսաստանի ազդեցությունն աշխարհում. Լավրով

Ռուսաստանի բարեկամները, հարևանները և հակառակորդները ուշադիր հետևում են «հատուկ ռազմական գործողության» ընթացքին։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը Արտաքին և պաշտպանական քաղաքականության խորհրդի նիստում, հաղորդում է ՌԻԱ Նովոստին։

Դիվանագետը ընդգծել է, որ պատերազմի բոլոր նպատակների իրականացումը Ռուսաստանի համաշխարհային ազդեցության ամրապնդման գլխավոր նպատակն է։

Նրա խոսքով՝ ռուսական դիվանագիտության գլխավոր խնդիրն է անել ամեն ինչ՝ առաջնագծում անհրաժեշտ պայմաններ ստեղծելու համար, պայմաններ՝ Ռուսաստանի զինված ուժերի անձնակազմի կողմից Ուկրաինայում պատերազմի շրջանակներում «առավել հաղթական և արդյունավետ գործողությունների» համար։