Եվրոպան հակառեկորդ է սահմանել գազի պաշարների համալրման հարցում

Եվրոպայում գազի ստորգետնյա պահեստարանների համալրման տեմպերը նվազել են մինչև պատմական նվազագույն մակարդակ։ Այդ մասին հայտնել է «Газпром»-ը իր Telegram-ալիքում։

Ընկերության տվյալներով՝ մայիսի 20-ին արձանագրվել է հերթական հակառեկորդը․ եվրոպական պահեստարաններ մղվող գազի ծավալները դարձել են ամենացածրը տվյալ ժամանակահատվածի ամբողջ պատմության ընթացքում։ «Газпром»-ում նաև նշել են, որ Եվրոպայի խոշորագույն տնտեսություններից երկուսը՝ Գերմանիան և Ֆրանսիան, արդեն անցել են գազի զուտ սպառման ռեժիմի, այսինքն՝ պահեստներից վերցվող գազի ծավալը գերազանցել է մղվող ծավալին։

Մինչ այդ Հունգարիայի վարչապետ Պետեր Մադյարը հայտարարել էր, որ Ուկրաինայի պատերազմի ավարտից հետո Եվրամիությունը կարող է վերադառնալ ռուսական գազի գնումներին։ Նրա խոսքով՝ դրա հիմնական պատճառը ռուսական գազի ավելի ցածր գինն ու աշխարհագրական գործոններն են։