Մարտուն Գրիգորյանի՞ն էլ կզրկեն անձեռնմխելիությունից. հրապարակվել է ձայնագրություն. armtimes
Հասարակություն
Մայիսի 22-ին հայտնել էինք, որ Հակակոռուպցիոն կոմիտեում քննվող քրեական վարույթի շրջանակներում ԱԺ «Պատիվ ունեմ» խմբակցության պատգամավոր Մարտուն Գրիգորյանի տանը և գրասենյակում խուզարկություններ են իրականացվել:
Հակակոռուպցիոն կոմիտեից հայտնել են, որ ոստիկանության Շիրակի մարզային վարչության ծառայողների հետ համատեղ ձեռնարկած միջոցառումների արդյունքում տվյալներ են ստացվել այն մասին, որ «Բարգավաճ Հայաստան» կուսակցության մի խումբ անդամներ ԱԺ ընտրությունների նշանակման որոշումն ուժի մեջ մտնելու օրվանից մինչև ընտրությունների արդյունքների ամփոփումը բարեգործության անվան տակ ընտրող հանդիսացող Գյումրի քաղաքի բնակչի տան վերանորոգման համար անհատույց տվել են շինարարական նյութեր:
Դեպքի առթիվ Հակակոռուպցիոն կոմիտեում նախաձեռնվել է քրեական վարույթ, ձերբակալվել են մի խումբ անձինք, կատարվել մի շարք խուզարկություններ, վարութային այլ գործողություններ:
«Հայկական ժամանակ»-ն արձանագրել է, որ Կոմիտեի հրապարակած ձայնագրությունների մեջ լսվում է Մարտուն Գրիգորյանի ձայնը: Մեր բացառիկ տեղեկություններով՝ չի բացառվում, որ քննարկվի Մարտուն Գրիգորյանին անձեռնմխելիությունից զրկելու հարցը:
Ի դեպ, այս գործով արդեն երկու կալանավորված անձ կա:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
