ԱՀԿ-ն կանխատեսում է Էբոլայի դեպքերի աճ

Կոնգոյի Դեմոկրատական Հանրապետությունում Էբոլայից ենթադրյալ մահերի թիվը հասել է 220-ի, ընդ որում՝ դրանց թիվը կշարունակի աճել․ հայտնել է Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսը:

«Այս պահին ԿԴՀ-ում հաստատվել է հիվանդության 101 դեպք՝ ներառյալ 10 հաստատված մահվան ելք, սակայն մենք գիտենք, որ համաճարակը ԿԴՀ-ում շատ ավելի մասշտաբային է: Այժմ գրանցված է ավելի քան 900 ենթադրյալ դեպք և 220 ենթադրյալ մահվան ելք»,- գրել է նա X սոցիալական ցանցում

Նա հիշեցրել է, որ հարևան Ուգանդան գրանցել է առողջապահության ոլորտի աշխատողների շրջանում ևս 2 հաստատված դեպք, իսկ հաստատված դեպքերի ընդհանուր թիվը հասցվել է 7-ի։