Politico. Կոշտան և Յունկերը կարող են դառնալ ԵՄ միջնորդներ Ռուսաստանի հետ բանակցություններում

Եվրոպական խորհրդի նախագահ Անտոնիո Կոշտան, Ֆինլանդիայի նախկին նախագահ Սաուլի Նիինիստյոն և Եվրահանձնաժողովի նախկին նախագահ Ժան-Կլոդ Յունկերը դիտարկվում են որպես Ուկրաինայի շուրջ Ռուսաստանի հետ հնարավոր բանակցություններում պոտենցիալ եվրոպացի ներկայացուցիչներ, ըստ եվրոպական Politico հրատարակության։

Հրատարակության տվյալներով՝ ԵՄ-ում ակտիվանում են քննարկումները եվրոպացի բանակցող ընտրելու անհրաժեշտության մասին՝ ուկրաինական հակամարտության մեջ ԱՄՆ միջնորդական դերի նվազման ֆոնին։ Ավելի վաղ Իտալիայի և Գերմանիայի նախկին վարչապետներ Մարիո Դրագին և Անգելա Մերկելը, ինչպես նաև Ֆինլանդիայի նախագահ Ալեքսանդր Ստուբը նույնպես հիշատակվել են որպես հնարավոր թեկնածուներ։

Ինչպես նշում է Politico-ն, Կոստայի, Նիինիստյոյի և Յունկերի թեկնածությունները քննարկվում են Մոսկվայի հետ ուղիղ երկխոսության կողմնակիցների կողմից։ Սակայն ԵՄ մի քանի երկրներ դեմ են բանակցությունների շտապ մեկնարկին։

Հրատարակությունը գրում է, որ ԵՄ արտաքին գործերի նախարարները այս շաբաթվա վերջին ոչ պաշտոնական հանդիպման ժամանակ կքննարկեն Ռուսաստանի հետ հնարավոր երկխոսությունը։