Իրանի իշխանությունները հաստատել են, որ վերականգնելու են ինտերնետ հասանելիությունը

Իրանի իշխանությունները հաստատել են, որ կվերականգնեն ինտերնետ հասանելիությունը։

«Կիբերտարածության կառավարման հատուկ շտաբը որոշել է վերականգնել ինտերնետը, և Իրանի նախագահը համապատասխան հրաման է տվել», - գրել է Իրանի կառավարության խոսնակ Ֆաթեմեհ Մոհաջերանին X սոցիալական ցանցում։

«Ֆարս» լրատվական գործակալությունը, հղում անելով Իրանի կապի նախարարության աղբյուրին, մեկ օր առաջ հայտնել էր, որ Իրանի նախագահ Մասուդ Փեզեծքիանը որոշել է վերականգնել ինտերնետը և այն վերադարձնել 2025 թվականի դեկտեմբերի վերջին - 2026 թվականի հունվարի սկզբին Իրանում տեղի ունեցած իրադարձություններից առաջ եղած վիճակին։

Իրանում բողոքի ցույցերը սկսվել են 2025 թվականի դեկտեմբերի վերջին՝ ազգային արժույթի արժեզրկման պատճառով, սակայն հետագայում վերածվել են անկարգությունների և կառավարության դեմ բողոքի ցույցերի։ Երկրում անջատվել էր ինտերնետը։