Եվրոպական երկրի բնակիչներին տնտեսական ցնցումներ են կանխատեսել

Մեծ Բրիտանիայում նույնիսկ Իրանի շուրջ պատերազմական լարվածության ավարտից հետո գնաճը շարունակելու է աճել, իսկ Մերձավոր Արևելքի ճգնաժամից գրեթե չեն տուժել միայն բրիտանական ընկերությունների 16 տոկոսը։ Այս մասին գրում է The Guardian-ը։

Պարբերականի տվյալներով՝ անգամ եթե ԱՄՆ-ի և Իրանի միջև հրադադարի բանակցությունները հաջող ավարտվեն, ամռան ընթացքում գները կմնան բարձր, իսկ տնտեսական հետևանքները կարող են զգացվել դեռ ամիսներ շարունակ։ Էներգակիրների և հումքի թանկացումը, ինչպես նաև գլոբալ ծովային փոխադրումների խափանումները արդեն մեծացրել են բրիտանական բիզնեսի ծախսերը, ինչը սկսում է արտացոլվել սպառողական ապրանքների գներում։

Ամենաշատը թանկացել են կահույքը, առողջապահական և գեղեցկության ոլորտի ապրանքները։ Բրիտանական առևտրի պալատի զեկույցի համաձայն՝ ընկերությունների 80 տոկոսը արդեն բախվել է կամ սպասում է Մերձավոր Արևելքի ճգնաժամի հետևանքներին։ Ամենախոցելին դարձել է արդյունաբերական ոլորտը․ ընկերությունների մեծ մասը հայտնում է արտադրության անկման, մատակարարումների խնդիրների և էներգիայի վճարների աճի մասին։ Փորձագետները զգուշացնում են, որ առաջիկա ամիսներին Մեծ Բրիտանիայի տնտեսական իրավիճակը կարող է էլ ավելի վատթարանալ։