Ստեղծել են հիվանդություններին դիմացկուն կարտոֆիլի նոր տեսակ

Ռուսաստանցի գիտնականները ստեղծել են կարտոֆիլի նոր տեսակ, որը դիմացկուն է տարբեր հիվանդությունների և վնասատուների նկատմամբ։ Այս մասին հայտարարել է Ռուսաստանի գիտությունների ակադեմիայի նախագահ Գենադի Կրասնիկովը։

Նրա խոսքով՝ «Ալֆա» անվանումը ստացած նոր տեսակը նախատեսված է սեղանի օգտագործման համար և դասվում է միջին վաղահաս տեսակների շարքին։ Կրասնիկովը նշել է, որ այն առանձնանում է հիվանդություններին և վնասատուներին բարձր դիմադրողականությամբ, ինչը կարող է զգալիորեն բարձրացնել բերքի արդյունավետությունը։

Նոր տեսակը մշակվել է Մերձմոսկովյան շրջանում գտնվող Ա. Գ. Լորխի անվան կարտոֆիլի դաշնային գիտահետազոտական կենտրոնի մասնագետների կողմից։ Գիտնականները նախագիծը ներկայացրել են Ռուսաստանի գիտությունների ակադեմիայի ընդհանուր ժողովի ընթացքում՝ որպես գյուղատնտեսության ոլորտում վերջին գիտական ձեռքբերումներից մեկը։