Իրանը պահանջել է, որ ԱՄՆ-ն ապասառեցնի իր արտասահմանյան ակտիվները

Իր 14 կետանոց կարգավորման առաջարկով Իրանը պահանջել է, որ ԱՄՆ-ն ապասառեցնի իր 24 միլիարդ դոլարի արտասահմանյան ակտիվները, հաղորդում է իրանական «Թասնիմ» լրատվական գործակալությունը՝ հղում անելով իրանական բանակցային թիմին մոտ կանգնած աղբյուրին։

«14 կետանոց փոխըմբռնման հուշագրի համաձայն՝ Իրանի սառեցված 24 միլիարդ դոլարի ակտիվները պետք է ապասառեցվեն ամերիկյան կողմի հետ բանակցությունների ընթացքում։

Թեհրանը պնդում է, որ այս գումարի կեսը պետք է փոխանցվի Իրանին փոխըմբռնման հուշագրի հրապարակումից անմիջապես հետո, իսկ մնացածը՝ հաջորդ 60 օրվա ընթացքում», - «Թասնիմ»-ին ասել է աղբյուրը։