ՌԴ. Կալինինգրադի վրա հարձակման դեպքում Լիտվան «կդադարի գոյություն ունենալ»
Ռուսաստան
Ռուսաստանի Դաշնության խորհրդի միջազգային հարցերով հանձնաժողովի փոխնախագահ Վլադիմիր Ջաբարովը հայտարարել է, որ Կալինինգրադի վրա հարձակման դեպքում Լիտվան կարող է «դադարել գոյություն ունենալ»։ Այս մասին նա ասել է «Взгляд» թերթին տված հարցազրույցում։
Ջաբարովի հայտարարությունը հնչել է Լիտվայի արտգործնախարար Կեստուտիս Բուդրիսի խոսքերից հետո, ով նշել էր, որ ՆԱՏՕ-ի կողմից Կալինինգրադի վրա հնարավոր հարձակման գաղափարը պետք է ցույց տա Բալթյան երկրների վճռականությունը։ Լիտվացի դիվանագետը նաև հայտարարել էր, որ դաշինքը պետք է «ցույց տա ռուսներին», որ ՆԱՏՕ-ն ունակ է ներխուժել Կալինինգրադի մարզ։
Ռուս սենատորի խոսքով՝ Բուդրիսը մոռանում է, որ Կալինինգրադը Ռուսաստանի մաս է, և նման սցենարը կարող է կործանարար հետևանքներ ունենալ հենց Լիտվայի համար։ Ջաբարովը նաև պնդել է, որ Արևմուտքը Բալթյան երկրներին օգտագործում է այնպես, ինչպես Ուկրաինային՝ որպես «ծախսվող նյութ»։ Ավելի վաղ ՌԴ Պետդումայի պատգամավոր Ալեքսեյ Չեպան հայտարարել էր, որ ՆԱՏՕ-ի ներխուժման դեպքում Ռուսաստանը «15 րոպեում կարող է ոչնչացնել Լիտվան», իսկ Դմիտրի Մեդվեդևը Լիտվայի ԱԳ նախարարի հայտարարությունները անվանել էր «խելագարությանը մոտ»։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
