Կիրկորովը բողոքել է նախանձող դասընկերներից

Ռուսաստանի ժողովրդական արտիստ Ֆիլիպ Կիրկորովը հայտարարել է, որ չի շփվում իր նախկին դասընկերների հետ, քանի որ դպրոցական տարիներին նրանք նախանձել են իրեն։ Երգչի խոսքերը փոխանցել է «Звездач» Telegram-ալիքը։

Կիրկորովի խոսքով՝ ամեն ինչ սկսվել է այն բանից հետո, երբ ինքը դպրոցն ավարտել է ոսկե մեդալով։ Նրա պատմելով՝ դասընկերներն այնքան էին նախանձում, որ ավարտական երեկոյի ժամանակ նույնիսկ հեռացել էին իրենից և նստել այլ նստարանների վրա։

Երգիչը նշել է, որ այսօր արդեն շատ նախկին դասընկերներ կենդանի չեն, իսկ մնացածների հետ ինքը կապ չի պահպանում և չի մասնակցում շրջանավարտների հանդիպումներին։ Կիրկորովը պատմել է, որ նման միջոցառումներից մեկի ժամանակ սկզբում բոլորը ձևացրել են, թե իր ներկայությունը իրենց չի հետաքրքրում, սակայն հետո սկսել են ինքնագրեր խնդրել իրենց երեխաների և թոռների համար։ Ավելի վաղ երգիչը հայտարարել էր, որ իրեն չեն անհանգստացնում քննադատներն ու «հեյթերները», քանի որ, իր խոսքով, նախանձը հաջողության անբաժանելի մասն է։