Reuters. SpaceX-ը հնգապատկել է Պենտագոնը Starlink-ին միացնելու արժեքը

Իլոն Մասկի SpaceX-ը հնգապատկել է Պենտագոնի Starlink արբանյակային ցանցին միացման արժեքը Մերձավոր Արևելքի հակամարտության ժամանակ, հաղորդում է Reuters-ը՝ հղում անելով աղբյուրներին և պաշտպանության նախարարության փաստաթղթերին։

Ըստ գործակալության՝ ԱՄՆ-ի կողմից Իրանի դեմ հարձակումները սկսելուց մի քանի շաբաթ անց SpaceX-ի ղեկավարները հանդիպել են Պենտագոնի ներկայացուցիչների հետ և պահանջել յուրաքանչյուր տերմինալի միացման վճարը 5000 դոլարից բարձրացնել մինչև 25000 դոլար, ինչը, նրանց պնդմամբ, արտացոլում է իրական, ավելի բարձր մակարդակի ծառայություն։

Աղբյուրները նշել են, որ Պենտագոնը, որը սրել էր Իրանի դեմ իր հարվածները, ի վերջո համաձայնվել է վճարել SpaceX-ի առաջարկած գնի բարձրացումը։ Այս որոշումը արտացոլում է Պենտագոնի աճող կախվածությունը Մասկի կորպորացիայից՝ բազմամիլիարդատիրոջը տալով ավելի մեծ լծակներ ԱՄՆ ազգային անվտանգության կարևորագույն կառույցի նկատմամբ, նշում է հրատարակությունը։

Այն նաև թույլ է տալիս SpaceX-ին ավելացնել եկամուտները հաջորդ ամիս կայանալիք իր IPO-ից առաջ, որը կարող է լինել պատմության մեջ ամենամեծերից մեկը։