Ռուսաստանը մտադիր է Հայաստանի հետ զարգացնել տնտեսական և հումանիտար համագործակցությունը. Զախարովա

Ռուսաստանը մտադիր է զարգացնել Հայաստանի հետ տնտեսական և հումանիտար համագործակցությունը: Այս մասին հայտարարել է Ռուսաստանի արտգործնախարարության խոսնակ Մարիա Զախարովան՝ հավելելով, որ Մոսկվան ցանկանում է փոխադարձ հարգանքի հիման վրա լուծել տարածաշրջանում անվտանգության հետ կապված հարցերը։

Դիվանագետը նշել է, որ Ռուսաստանը Հայաստանի ճակատագրի համար անհանգստացել է ոչ թե խոսքով, այլ իրականացրել է քաղաքականություն՝ ուղղված հանրապետության զարգացմանը: