ԱՄՆ պետքարտուղարի հետ միասին քիչ առաջ մեր ռազմավարական գործընկերությունը բարձրացրեցինք նոր մակարդակի. Արարատ Միրզոյան
Արտաքին Քաղաքական
Մենք պետքարտուղարի հետ միասին քիչ առաջ մեր ռազմավարական գործընկերությունը բարձրացրեցինք նոր մակարդակի՝ վերանվանելով այն համապարփակ ռազմավարական գործընկերություն: Այս մասին ԱՄՆ պետքարտուղար Մարկո Ռուբիոյի հետ համատեղ հայտարարությունների ժամանակ ասել է ԱԳ նախարար Արարատ Միրզոյանը:
«Խնդրում եմ մի փոքր ուսումնասիրություն անել և համեմատել երկու փաստաթղթերը, հուսամ կտեսնեք, թե ինչպիսի նոր հնարավորթյուններով է հարստացված փաստաթուղթը: Ուզում եմ մեկ անգամ ևս կարևորել և բարձր գնահատել նախագահ Թրամփի և նրա ամբողջ վարչակազմի՝ պատքարտուղար Ռուբիոյի և մյուսների դերը ու նվիրվածությունը Հարավային Կովկասում խաղաղության հաստատման գործընթացքում և Հայաստանի համար ոչ միայն անվտանգային, այլ նաև տնտեսական նոր հնարավորությունների ստեղծման հարցում: Բոլոր պայմանավորվածությունները, որոնք հիմա մենք կյանքի ենք կոչում ստորագրությամբ՝ միանշանակ շահեկան են ՀՀ-ի համար և աննախադեպ հնարավորություններ են բացելու մեր երկրի համար»,- նշել է Միրզոյանը:
Հիշեցնենք, որ քիչ առաջ նախաստորագրվել է Հայաստանի Հանրապետության և ԱՄՆ-ի միջև ԹՐԻՓՓ ռազմավարական համագործակցության մասին շրջանակային համաձայնագիր:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
