Զախարովան հարց է ուղղել Թրամփին

Ռուսաստանի ԱԳՆ պաշտոնական ներկայացուցիչ Մարիա Զախարովան հարց է բարձրացրել այն մասին, թե ինչու ԱՄՆ-ը նախկինում ուշադրություն չէր դարձնում Իրանի հայտարարություններին միջուկային զենք չունենալու վերաբերյալ։ Այս մասին նա հայտարարել է Մոսկվայում անցկացվող Միջազգային անվտանգության ֆորումի շրջանակում։

Զախարովան հիշեցրել է, որ ԱՄՆ նախագահ Դոնալդ Թրամփը վերջերս վերահրապարակել էր Իրանի հայտարարությունը այն մասին, որ Թեհրանը չի ցանկանում ունենալ միջուկային զենք։ Ռուս դիվանագետը հարցրել է, թե ինչու նախկինում, երբ Իրանի նախկին ղեկավարությունը նույն հայտարարություններն էր անում, դրանք «ոչ ոք չէր մեջբերում և չէր տարածում»։

Նրա խոսքով՝ սա տեղեկատվական մանիպուլյացիայի վառ օրինակ է, երբ նույն փաստերը տարբեր ժամանակներում տարբեր կերպ են ներկայացվում։ Ավելի վաղ Թրամփը հայտարարել էր, որ Իրանի մնացած հարստացված ուրանը պետք է փոխանցվի Վաշինգտոնին ոչնչացման համար կամ վերացվի այլ ընդունելի տարբերակով։