Կուբայի ԱԳ նախարարը կոչ է արել միջազգային հանրությանը մոբիլիզացնել ջանքերը՝ կղզուն օգնելու համար
Աշխարհ
Կուբայի արտաքին գործերի նախարար Բրունո Ռոդրիգես Պարիլյան կոչ է արել միջազգային հանրությանը, մասնավորապես Լատինական Ամերիկայի, Կարիբյան ավազանի և Հարավի երկրներին, մոբիլիզացնել ջանքերը՝ կղզում հումանիտար աղետը կանխելու համար։
«Ես խնդրում եմ միջազգային հանրությանը մոբիլիզացնել ջանքերը՝ կանխելու համար այն հումանիտար աղետը, որը կարող է բռնկվել ԱՄՆ իշխանությունների գործողությունների հետևանքով», – ասել է նա ՄԱԿ-ի Անվտանգության խորհրդի մայիսի 26-ին կայացած նիստում։
Նախարարը նաև կոչ է արել Լատինական Ամերիկայի և Կարիբյան ավազանի պետություններին «գործել՝ շարունակելու համար պաշտպանել խաղաղության գոտին Ամերիկյան մայրցամաքում», իսկ Հարավի երկրներին՝ «պայքարել ընդհանուր արժեքների համար»։ «Ես խնդրում եմ բոլոր պետություններին համերաշխություն ցուցաբերել Կուբայի հետ, որը միշտ եղել է նրանց գործընկերը՝ հաճախ անտեսելով մահացու ռիսկերը և չառաջնորդվելով նյութական արժեքներով», – ասել է Կուբայի արտաքին գործերի նախարարը։
Նա նաև ընդգծել է ՄԱԿ-ի առանցքային դերը միջազգային խաղաղության և անվտանգության պահպանման գործում:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
