Իտալիան աջակցել է Ուկրաինայի անդամակցությանը ԵՄ-ին
Աշխարհ
Իտալիան աջակցում է Ուկրաինայի անդամակցությանը ԵՄ-ին, սակայն Բալկանյան երկրները պետք է լինեն առաջնահերթություն այս գործընթացում։ Այս մասին հայտարարել է Իտալիայի արտաքին գործերի նախարար և փոխվարչապետ Անտոնիո Տայանին Լիմասոլում կայացած ԵՄ արտաքին գործերի նախարարների ոչ պաշտոնական հանդիպման շրջանակներում։ Նրա խոսքերը մեջբերել է RAI Radio 1-ը։
«Մենք աջակցում ենք Ուկրաինայի անդամակցությանը Եվրամիությանը, բայց չպետք է մոռանանք, որ կան այլ թեկնածու երկրներ։ Բալկանները մնում են մեր առաջնահերթությունը։ Մենք նաև հասկանում ենք, որ Ուկրաինան և Մոլդովան պետք է սկսեն այս գործընթացը, պայքարեն կոռուպցիայի դեմ և համապատասխանեն ԵՄ անդամակցության կանոններին։ Մենք պատրաստ ենք մեր ներդրումն ունենալ նրանց օգնելու գործում», - ընդգծել է Տայանին։
Ինչպես նշում է ռադիոկայանը, հայտարարությունը հնչել է այն բանից հետո, երբ Իտալիայի իշխող կոալիցիայի մաս կազմող Լիգա կուսակցությունը հայտարարել է, որ «կտրականապես դեմ է Ուկրաինայի անդամակցությանը ԵՄ-ին», ինչը «կպատճառի հսկայական տնտեսական և սոցիալական վնաս»։ Սա առաջին դեպքը չէ, երբ Լիգայի դիրքորոշումը տարբերվում է կառավարության դիրքորոշումից Ուկրաինային վերաբերող հարցերում։ Ընդդիմությունը մատնանշում է կոալիցիայի պառակտումը և մեղադրում է Լիգային ռուսամետ դիրքորոշումների մեջ։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
