Տոկաևը Պուտինի այցը կարևոր իրադարձություն է անվանել

Ղազախստանի նախագահ Կասիմ-Ժոմարտ Տոկաևը հայտարարել է, որ Ռուսաստանի նախագահ Վլադիմիր Պուտինի այցը համարում է կարևոր իրադարձություն երկու երկրների ռազմավարական գործընկերության և դաշնակցային հարաբերությունների զարգացման գործում։

«Մենք շատ ուրախ ենք պետական ​​այցով Աստանայում ողջունել Ռուսաստանի Դաշնության նախագահ, հարգարժան Վլադիմիր Վլադիմիրովիչ Պուտինին։ Ես այս այցը համարում եմ բացառիկ կարևոր իրադարձություն Ղազախստանի և Ռուսաստանի միջև ռազմավարական գործընկերության և դաշնակցային հարաբերությունների զարգացման գործում», - բանակցություններից հետո ասել է Տոկաևը։

Նախորդ օրը Վլադիմիր Պուտինը եռօրյա պետական ​​այցով ժամանել է Ղազախստան։ Հինգշաբթի առավոտյան տեղի է ունեցել Ղազախստանի նախագահ Կասիմ-Ժոմարտ Տոկաևի հետ պաշտոնական դիմավորման արարողությունը։

Աստանայում Ռուսաստանի ղեկավարը կմասնակցի նաև Եվրասիական տնտեսական ֆորումին և Եվրասիական տնտեսական բարձրագույն խորհրդի նիստին։