57 մմ թնդանոթը ճանաչվել է իդեալական միջոց փոքր դրոնների դեմ

Ռուսական 57 միլիմետրանոց ավտոմատ 2А90 թնդանոթը, որով զինված է «Դերիվացիա-ՀՕՊ» հեռանկարային համակարգը, անվանվել է փոքր չափի անօդաչուների դեմ պայքարի ամենաարդյունավետ միջոցներից մեկը։

«Военная хроника» Telegram-ալիքի տվյալներով՝ 57 մմ տրամաչափի արկերը մի շարք կարևոր ցուցանիշներով զգալի առավելություն ունեն 30 մմ զինամթերքի նկատմամբ։ Մասնավորապես՝ դրանք ավելի արդյունավետ են ծրագրավորվող պայթուցիչների տեղադրման, բեկորների տարածման խտության, ինչպես նաև խոցման հեռավորության և բարձրության հարցում։

Նշվում է, որ 57 մմ արկերը կարող են մինչև 6 կիլոմետր հեռավորության վրա ստեղծել բեկորների խիտ «պատ», ինչը հատկապես արդյունավետ է փոքր դրոնների ոչնչացման համար։ Սակայն նման համակարգերը բավական ծանր են և ունեն ուժեղ հետհարված, ինչի պատճառով դրանք հնարավոր չէ տեղադրել թեթև զրահամեքենաների վրա։