Axios. ԱՄՆ-ն մշակում է ռազմական արձագանքի ծրագրեր Կուբայում իշխանության փոփոխության դեպքում

ԱՄՆ վարչակազմը պատրաստվում է այս ամռանը Կուբայում հնարավոր իշխանափոխության և մշակում է ռազմական արձագանքի ծրագրեր նման դեպքում, հաղորդում է Axios-ը՝ հղում անելով իր աղբյուրներին։

Ըստ իրենց աղբյուրների՝ ԱՄՆ նախագահ Դոնալդ Թրամփն այժմ քննարկում է Իրանի շուրջ ստեղծված իրավիճակը, որից հետո մտադիր է կենտրոնանալ Կուբայի վրա և որոշել, թե ինչպես հասնել այնտեղ փոփոխությունների։ Աղբյուրները նշում են, որ Վաշինգտոնը կշարունակի տնտեսական պատժամիջոցներ կիրառել Հավանայի նկատմամբ, մինչև «չսպառի բոլոր լծակները», որից հետո հնարավոր է ռազմական տարբերակ։

Անցյալ ամիս ԱՄՆ հարավային հրամանատարությունը, որի գործողությունների տարածքը ներառում է Կենտրոնական և Հարավային Ամերիկան, ինչպես նաև Կարիբյան ավազանը, անցկացրել է սեղանի վրա վարժանքներ՝ կղզում ռազմական գործողություններին նախապատրաստվելու համար։ Զինվորական անձնակազմը քննարկել է Կուբայում անօդաչու թռչող սարքերի առկայությունը և հնարավոր անկարգություններին արձագանքելու եղանակները։ Սակայն Axios-ի աղբյուրը ընդգծել է, որ առայժմ «որևէ ներխուժում չի նախատեսվում կամ չի սպասվում»։

«Երբ նախագահը ասի՝ «գնա՛», մենք պատրաստ կլինենք ամեն ինչի», - հավելել է նա։ Սակայն, շարունակում է պորտալը, վարչակազմը դեռևս չի ընտրել կուբացի պաշտոնյաների, որոնք կարող են ղեկավարել Հավանայի ժամանակավոր կառավարությունը իշխանափոխության դեպքում։