ԻՀՊԿ-ն հայտարարել է, որ կանգնեցրել է Պարսից ծոց մտնելու փորձ կատարող երկու նավ

Իսլամական հեղափոխության պահապանների կորպուսը (ԻՀՊԿ, Իրանի զինված ուժերի էլիտար ստորաբաժանում) հայտարարել է, որ իրանական կողմի հետ համաձայնեցումից հետո վերջին 24 ժամվա ընթացքում 26 առևտրային նավ և նավթատար նավ է անցել Հորմուզի նեղուցով, մինչդեռ երկու նավ կանգնեցվել է Պարսից ծոց մտնելու փորձից հետո՝ անջատված նավիգացիոն համակարգերով։ Այս մասին հաղորդում է Tasnim լրատվական գործակալությունը։

ԻՀՊԿ ռազմածովային մամուլի ծառայության տվյալներով՝ Հորմուզի նեղուցով անցնելու թույլտվություն ստանալը պարտադիր պահանջ է այդ տարածքում նավարկության համար, գրում է գործակալությունը։

ԻՀՊԿ-ն հայտարարել է, որ մի քանի նավեր փորձել են առանց թույլտվության մտնել Պարսից ծոց՝ անջատելով իրենց նավիգացիոն համակարգերը։ Իրանական կողմի տվյալներով՝ երկու նավ կանգնեցվել են նախազգուշացումներից հետո, իսկ մյուսները ստիպված են եղել փոխել ուղղությունը։