Իրանի Անվտանգության խորհուրդը կոչ է անում ԱՄՆ-ին առանց որևէ պայմանի ապասառեցնել Իրանի ակտիվները

Իրանի հետ խաղաղության համաձայնագրի հասնելու համար Միացյալ Նահանգները պետք է անվերապահորեն ազատի սառեցված իրանական ակտիվները, հայտարարել է Իսլամական Հանրապետության Գերագույն ազգային անվտանգության խորհրդի քարտուղարի տեղակալ Ալի Բաղերին։

«Իրանի Իսլամական Հանրապետության ակտիվները, որոնք անօրինականորեն սառեցվել են ամերիկացիների կողմից, պետք է անվերապահորեն ապասառեցվեն, և այս ճնշումը պետք է դադարեցվի», - լրագրողներին ասել է նա Ռուսաստանի Անվտանգության խորհրդի հովանու ներքո անցկացվող Առաջին միջազգային անվտանգության ֆորումի շրջանակներում։

Ավելի վաղ Իրանի խորհրդարանը հայտարարել էր, որ Իրանի հետ համաձայնագրի նախագծի համաձայն՝ Միացյալ Նահանգները պարտավոր կլինի դադարեցնել Իրանի ծովային շրջափակումը և ազատել արտասահմանում գտնվող իրանական սառեցված ակտիվները։

Մայիսի 23-ին ԱՄՆ նախագահ Դոնալդ Թրամփը հայտարարել է, որ Իրանի հետ ապագա համաձայնագրի նախագիծը ընդհանուր առմամբ համաձայնեցված է։ Նա հայտնել է, որ հեռախոսազրույց է ունեցել Բահրեյնի, Եգիպտոսի, Հորդանանի, Կատարի, ԱՄԷ-ի, Պակիստանի, Սաուդյան Արաբիայի և Թուրքիայի ղեկավարների հետ և նրանց հետ քննարկել է Իրանի հետ խաղաղության համաձայնագրի շրջանակներում փոխըմբռնման հուշագրի նախագիծը։ Ավելի ուշ ԱՄՆ նախագահը պարզաբանել է, որ Վաշինգտոնը և Թեհրանը դեռևս վերջնական համաձայնությունների չեն եկել մի շարք հարցերի շուրջ։