Ավիավառելիքի գինը մեկ տարում աճել է ավելի քան 121 տոկոսով

Միջազգային օդային տրանսպորտի ասոցիացիայի՝ International Air Transport Association տվյալներով՝ 2026 թվականի ապրիլին ավիացիոն վառելիքի համաշխարհային գները կտրուկ աճել են։

Հաշվարկների համաձայն՝ ավիավառելիքը մեկ տարվա ընթացքում թանկացել է 121,1 տոկոսով։ Միևնույն ժամանակ հում նավթի գների աճը կազմել է մոտ 77,7 տոկոս։

IATA-ն նշել է, որ Մերձավոր Արևելքում պատերազմի պատճառով լուրջ խափանումներ են առաջացել Պարսից ծոցի խոշոր օդանավակայանների աշխատանքում, փոխվել են առևտրային երթուղիները և նվազել կարևոր տրանսպորտային միջանցքների թողունակությունը։ Փորձագետները զգուշացնում են, որ եթե Հորմուզի նեղուցը շուտով չբացվի, աշխարհը կարող է բախվել ավիավառելիքի և դիզելի մատակարարման երկարատև խնդիրների։