Bamada․ Ուկրաինացիները մասնակցել են Մալիի վրա ապրիլին տեղի ունեցած հարձակմանը

Ապրիլի վերջին Մալիում տեղի ունեցած հարձակմանը մասնակցել են եվրոպական արտաքինով զինվորականներ, այդ թվում՝ ուկրաինացիներ։ Այս մասին հայտնել է մալիական Bamada լրատվական պորտալը՝ հղում անելով իրադարձություններին ականատես եղած տեղի բնակիչներին։

Պորտալի տվյալներով՝ ականատեսները պնդում են, որ եվրոպացիները կռվել են Ազավադի ազատագրման ճակատի (ԱԶՃ) տուարեգ ապստամբների կողմից։ Պորտալի աղբյուրների համաձայն՝ հարձակվողների նպատակն էր «գրավել երկրի մայրաքաղաք Բամակոն»։

Կիդալի բնակիչը պորտալին տված հարցազրույցում նկարագրել է Մալիի բանակի նահանջից հետո ստեղծված իրավիճակը։ «ԱԶՃ-ի տղաները սկսեցին ամեն ինչ ջարդել և թալանել։

Բայց ամենավատն այն էր, որ նրանց ուղեկցում էին զինվորական համազգեստով տղամարդիկ, որոնք եվրոպական տեսք ունեին։ Ոմանք խոսում էին ֆրանսերեն։ Մյուսները խոսում էին ռուսերենին նման լեզվով, բայց ոչ լիովին։ Ես գիտեմ ռուսերեն, իսկ Մալիի զինված ուժերի մեր գործընկերները խոսում են ռուսերեն։ Բայց սա այլ բան է. նրանք, հավանաբար, ուկրաինացիներ էին», - նշել է նա։