Թուրքիային պատկանող բեռնատար նավը Սև ծովում ԱԹՍ-ի hարձակման է ենթարկվել. Թուրքիայի ԱԳՆ

Թուրքիային պատկանող չորաբեռնատար նավը մայիսի 28-ին Սև ծովում ենթարկվել է ԱԹՍ-ի հարձակման, ինչի հետևանքով՝ տուժել է երկու մարդ։ Այս մասին ասված է Թուրքիայի ԱԳՆ հայտարարության մեջ, գրում է ՏԱՍՍ-ը:

«Հայտնի է դարձել, որ ուկրաինական Օդեսա նավահանգստից դեպի Թուրքիա չոր բեռներ տեղափոխող՝ Վանուատուի դրոշի ներքո գտնվող և Թուրքիային պատկանող նավը երեկ երեկոյան ենթարկվել է ԱԹՍ-ի հարձակման. անձնակազմի անդամ հանդիսացող մեր երկու քաղաքացի ստացել է թեթև վնասվածքներ։ Նավում գտնվող մեր քաղաքացիների վիճակին ուշադիր հետևում է Օդեսայում մեր գլխավոր հյուպատոսությունը:

«Մեր մտահոգությունը Սև ծովում պատերազմի վերջին սրացման հետևանքով մեր տարածաշրջանի համար առաջացող ռիսկերի և սպառնալիքների վերաբերյալ, ինչպես նաև մեր երկրի համար դրա հնարավոր բացասական հետևանքների վերաբերյալ մեր նախազգուշացումները հայտնվում են բոլոր ներգրավված կողմերին՝ բոլոր մակարդակներում։ Մենք կրկնում ենք մեր նախազգուշացումը բոլոր շահագրգիռ կողմերին՝ խուսափելու այնպիսի քայլերից, որոնք կարող են հանգեցնել պատերազմի անվերահսկելի սրման։ Սև ծովում քաղաքացիական նավագնացության անվտանգությունն ապահովելու և պատերազմը բանակցությունների միջոցով դադարեցնելու մեր կոչերը մնում են ուժի մեջ», - ընդգծվում է հայտարարության մեջ։