Պետդումայում ընդգծել են Ռուսաստանի և Ղազախստանի ռազմավարական գործընկերությունը

Ռուսաստանի Պետդումայի միջազգային հարցերով հանձնաժողովի նախագահի առաջին տեղակալ Ալեքսեյ Չեպան հայտարարել է, որ Ղազախստանը Ռուսաստանի կարևորագույն ռազմավարական գործընկերներից է Կենտրոնական Ասիայում։

Չեպայի խոսքով՝ երկու երկրները համագործակցում են մի շարք միջազգային հարթակներում, այդ թվում՝ ՇՀԿում և ԲՐԻԿՍում, իսկ երկկողմ հարաբերությունների օրակարգը ներառում է բազմաթիվ կարևոր հարցեր։

Հայտարարությունը հնչել է Վլադիմիր Պուտինի՝ Ղազախստան կատարած պետական այցի ֆոնին։ Այցի ընթացքում Ռուսաստանի և Ղազախստանի ղեկավարները բանակցություններ են անցկացրել, որոնց ավարտին ստորագրվել են մի շարք համագործակցության փաստաթղթեր։