ԱՄՆ-ն ներկայացրել է Լիբանանում լարվածության թուլացման պայմանները
Աշխարհ
Լիբանանի նախագահ Ջոզեֆ Աունի հետ հեռախոսազրույցի ժամանակ ԱՄՆ պետքարտուղար Մարկո Ռուբիոն ընդգծել է Վաշինգտոնի տեսակետը, որ շիական «Հեզբոլլահ» կազմակերպությունը պետք է դադարեցնի Իսրայելի վրա հարձակումները՝ լարվածությունը նվազեցնելու համար: Այս մասին գրավոր հայտարարության մեջ նշել է Պետդեպարտամենտի խոսնակ Թոմի Պիգոթը:
Նրա խոսքով՝ Ռուբիոն գովաբանել է Լիբանանի կառավարությանը Իսրայելի հետ ուղիղ բանակցություններ վարելու պատրաստակամության համար, չնայած «Հեզբոլլահ»-ի կողմից դրանք խաթարելու շարունակական փորձերին՝ ի վնաս լիբանանցի ժողովրդի:
«Նա կրկնել է, որ «Հեզբոլլահ»-ը կրում է շարունակվող մարտերի ամբողջական պատասխանատվությունը և ընդգծել, որ լարվածության թուլացումը պահանջում է «Հեզբոլլահ»-ի հարձակումների և սադրանքների անհապաղ դադարեցում», - հավելել է Պիգոտը:
«Ինչպես կրկնել է պետքարտուղարը, Միացյալ Նահանգները լիովին աջակցում է Լիբանանի կառավարությանը՝ այս պատմական հնարավորությունից օգտվելու ջանքերում՝ իր ժողովրդի համար խաղաղություն, վերակառուցում և ավելի լավ ապագա ապահովելու համար»:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
