Մեքսիկայի հանգստավայրերից մեկում սերիական մարդասպան է հայտնվել. կան զոհեր

Մեքսիկական Պուերտո Վալյարտա հանգստավայրում, որը ամերիկացի զբոսաշրջիկների համար հայտնի վայր է, հայտնաբերվել են երեք կանանց մնացորդներ։ Այս մասին հաղորդում է Daily Mail-ը։

Ըստ թերթի՝ առաջին մարմինը հայտնաբերվել է մայիսի 10-ին՝ Ռանչո Էլ Պիրուլիի տարածքում։ Հինգ օր անց Միսմալոյայի մոտ գտնվող մայրուղու եզրին հայտնաբերվել է մեկ այլ մարմին, իսկ մայիսի 22-ի առավոտյան՝ Պարկե Լաս Պալմաս տարածքում գտնվող կեղտոտ ճանապարհին։

Զոհերի ինքնությունը դեռևս պարզված չէ։ Հայտնի է միայն, որ նրանք 22-35 տարեկան կանայք են՝ բոլորը դաջվածքներով։ Հրատարակությունը շեշտում է, որ նրանք մասամբ մերկ են եղել։

Սոցիալական ցանցերում զոհերից մեկը նույնականացվում է՝ որպես 22-ամյա ամերիկուհի Էլիզաբեթ Մարտինես, որը բնակվում էր Մեքսիկա նահանգում։ Նա անհետ կորել էր այս տարվա ապրիլին։