Բժիշկը նշել է ինսուլտի գլխավոր նախանշանը

Նյարդաբան Տատյանա Խրեբտովան հայտարարել է, որ ինսուլտից առաջ ամենակարևոր նախազգուշացնող ազդանշանը կարող է լինել անցողիկ իշեմիկ գրոհը (ՏԻԱ), որը հաճախ անվանում են «միկրոինսուլտ»։

Բժշկի խոսքով՝ այս վիճակի ժամանակ ուղեղի որոշ հատվածներում ժամանակավորապես խանգարվում է արյան շրջանառությունը՝ անոթի խցանման կամ սպազմի պատճառով։ Արդյունքում կարող են ի հայտ գալ ինսուլտին բնորոշ ախտանիշներ՝ խոսքի խանգարում, թուլություն, թմրածություն, տեսողության վատացում կամ շարժումների համակարգման խնդիրներ։ Սակայն մի քանի րոպեից կամ ժամից ախտանիշները կարող են ինքնուրույն անհետանալ, ինչի պատճառով շատերը չեն դիմում բժշկի։

Խրեբտովան զգուշացնում է, որ միկրոինսուլտ տարած յուրաքանչյուր հինգերորդ մարդու մոտ առաջիկա 90 օրվա ընթացքում կարող է զարգանալ լիարժեք ինսուլտ, իսկ ամենավտանգավոր են առաջին 48 ժամերը։ Ռիսկը հատկապես բարձր է բարձր ճնշում, շաքարային դիաբետ, սրտի ռիթմի խանգարումներ, բարձր խոլեստերին, ճարպակալում, ծխախոտի և ալկոհոլի օգտագործում ունեցող մարդկանց շրջանում։