Յուրաքանչյուր երեխա յուրահատուկ աշխարհ է՝ իր մտածողությամբ ու երազանքներով. Արմեն Սարգսյան
Հասարակություն
ՀՀ չորրորդ նախագահ Արմեն Սարգսյանի շնորհավորական ուղերձը Երեխաների պաշտպանության օրվա առթիվ.
«Այսօր Երեխաների պաշտպանության օրն է՝ ամենաջերմ, լուսավոր ու հույսով լի տոներից մեկը։
Յուրաքանչյուր երեխա յուրահատուկ աշխարհ է՝ իր մտածողությամբ, ներաշխարհով, տաղանդով ու երազանքներով։
Երեխաներին պաշտպանելու լավագույն ճանապարհը այնպիսի միջավայրի ստեղծումն է, որտեղ նրանք իրենց կզգան ապահով ու գնահատված, կունենան ինքնադրսևորվելու, սովորելու և զարգանալու լայն հնարավորություններ, կձևավորվեն որպես ուժեղ, մտածող անհատներ, ազգային և համամարդկային արժեքների կրողներ։
Մենք պետք է կարողանանք երեխաների համար ապահովել խաղաղ, անվտանգ ու ներդաշնակ մանկություն, շրջապատել սիրով, հոգատարությամբ ու ջերմությամբ, որ նրանք մեծանան ապագայի հանդեպ հավատով և վստահությամբ»։
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
