CNN. Իրանը վերաբացել է 18 ստորգետնյա հրթիռային կայանների մուտքերի մեծ մասը

Իրանին հաջողվել է բացել 18 ստորգետնյա հրթիռային կայանների մուտքերի մեծ մասը, հաղորդում է CNN-ը՝ հղում անելով արբանյակային պատկերների վերլուծությանը։

Գործակալության տվյալներով՝ Իրանի իշխանությունները կարողացել են վերականգնել վերոնշյալ օբյեկտներ տանող 69 թունելներից 50-ի մուտքը։ Թեհրանը նաև վերանորոգել է ռմբակոծությունից վնասված իրանական բազաներ տանող ճանապարհները։

Ավելի վաղ The New York Times-ը հայտնել էր, որ հետախուզության տվյալներով՝ Իրանը պահպանել է իր նախապատերազմյան հրթիռային զինանոցի մոտ 70%-ը։

ԱՄՆ-ն և Իսրայելը պատերազմ սկսեցին Իրանի դեմ փետրվարի 28-ին։ Ապրիլի 7-ին ԱՄՆ նախագահ Դոնալդ Թրամփը հայտարարեց Իսլամական Հանրապետության հետ երկշաբաթյա փոխադարձ հրադադարի մասին։ Թեհրանի տվյալներով՝ պատերազմի 40 օրվա ընթացքում ԱՄՆ-Իսրայելական հարվածների հետևանքով զոհվել է 3375 իրանցի։