Ռուսաստանը դարձել է ցորենի գլխավոր մատակարարը Քենիայի համար

Ռուսաստանը զգալիորեն մեծացրել է ցորենի արտահանումը դեպի Քենիա և դարձել այդ երկրի գլխավոր մատակարարը։ «Ագրոէքսպորտ» դաշնային կենտրոնի տվյալներով՝ 2025–2026 գյուղատնտեսական սեզոնի սկզբից մինչև 2026 թվականի մայիսի 20-ը ռուսական ցորենի մատակարարումները այս ուղղությամբ աճել են 10 տոկոսով։

Նշված ժամանակահատվածում Քենիա արտահանված ռուսական ցորենի ծավալը հասել է 1,4 միլիոն տոննայի։ Այս ցուցանիշը Ռուսաստանին թույլ է տվել առաջ անցնել խոշոր մրցակիցներից՝ Արգենտինաից և Ավստրալիաից՝ զբաղեցնելով առաջին տեղը քենիական շուկայում։

Վերլուծաբանների գնահատմամբ՝ Քենիան շարունակում է մնալ ռուսական ցորենի արտահանման կարևոր ուղղություններից մեկը Աֆրիկայում․ այդ երկիրն ապահովում է մայրցամաք արտահանվող ռուսական ցորենի շուրջ 7 տոկոսը։ Միաժամանակ Ռուսաստանի հիմնական գնորդները շարունակում են մնալ Եգիպտոսը և Թուրքիան, որտեղ արտահանման ծավալները նույնպես աճել են։