Գիտնականները բացահայտել են ալերգիայի սրման անսպասելի պատճառը
Հասարակություն
Վիեննայի բժշկական համալսարանի գիտնականները եկել են եզրակացության, որ միկրոպլաստիկը կարող է ազդել իմունային համակարգի աշխատանքի վրա և նպաստել ալերգիկ ռեակցիաների ուժեղացմանը։ Հետազոտության արդյունքները հրապարակվել են գիտական մասնագիտական հանդեսում։
Հետազոտության շրջանակում ուսումնասիրվել է պոլիէթիլենտերեֆթալատից (PET) առաջացած միկրոպլաստիկի ազդեցությունը, որը լայն կիրառություն ունի շշերի, փաթեթավորման և տեքստիլ արտադրանքի մեջ։ Փորձերի արդյունքում պարզվել է, որ օրգանիզմ ներթափանցած մասնիկները կարող են որոշ ժամանակ պահպանվել թոքերում՝ առաջացնելով բորբոքային արձագանք և ակտիվացնելով ալերգիկ գործընթացների հետ կապված իմունային բջիջները։
Գիտնականները նաև արձանագրել են, որ երբ միկրոպլաստիկի ազդեցությունը համակցվել է ամբրոզիայի ծաղկափոշու ազդեցության հետ, շնչուղիների բորբոքումն ավելի արտահայտված է դարձել։ Հեղինակների գնահատմամբ՝ միկրոպլաստիկը կարող է ոչ միայն շրջակա միջավայրի աղտոտման գործոն լինել, այլ նաև մասնակցել օրգանիզմի իմունային արձագանքի փոփոխությանը՝ նպաստելով ալերգիկ երևույթների սրմանը։
ՈՒՂԻՂ ԵԹԵՐ
Ամենադիտված 
Ով էր Ռուսաստանում բանջարեղենի շուկաները վերահսկող «օրենքով գողը», որի գլխի համար որս էին հայտարարել. Lenta.ru
