Windows 11-ում բացահայտել են օգտակար թաքնված գործառույթներ

How-To Geek պարբերականի լրագրողները ներկայացրել են Windows 11 օպերացիոն համակարգի մի շարք քիչ հայտնի, բայց օգտակար գործառույթներ, որոնք կարող են հեշտացնել համակարգչի օգտագործումը։

Դրանցից մեկը ընդլայնված փոխանակման հիշողությունն է (Clipboard History), որը թույլ է տալիս պահպանել միանգամից մի քանի պատճենված տեքստ, հղում կամ պատկեր։ Այն բացվում է Win + V ստեղնաշարային համադրությամբ։ Բացի այդ, Win + H հրամանով հնարավոր է ակտիվացնել ձայնային մուտքագրումը՝ ցանկացած ծրագրում, որտեղ կա տեքստ մուտքագրելու դաշտ։

Windows 11-ում հասանելի է նաև պատուհանների արագ դասավորության գործառույթը՝ Win + Z, որը հեշտացնում է միաժամանակ մի քանի պատուհանով աշխատանքը։ Իսկ Win + Ctrl + L համադրությունը միացնում է ավտոմատ ենթագրերը տեսանյութերի համար։ Նյութում առանձնացվել է նաև Dynamic Lock գործառույթը, որը հեռախոսի միջոցով կարող է ինքնաշխատ կողպել համակարգիչը, երբ օգտատերը հեռանում է դրանից։