Հազվադեպ հիվանդություն. չխմող տղամարդու օրգանիզմը սկսել է ինքնուրույն ալկոհոլ արտադրել

Կանադայում բժիշկները հայտնաբերել են հազվադեպ հիվանդություն տղամարդու մոտ, որի հետևանքով նրա օրգանիզմը սկսել էր ինքնուրույն արտադրել ալկոհոլ։ Տարիներ շարունակ նրան շրջապատողները կարծել են, թե նա ալկոհոլ է օգտագործում, մինչդեռ իրական պատճառը առողջական խնդիրն էր։

Նոր Շոտլանդիայի բնակիչ Էրիկ Պուլենի մոտ դեռ 2014 թվականից սկսվել էին ուժեղ հարբածության հիշեցնող վիճակներ՝ խոսքի խանգարում, շարժումների կոորդինացիայի կորուստ, գիտակցության շփոթություն և ալկոհոլի հոտ շնչից։ Սակայն տղամարդը պնդում էր, որ չի խմում և հաճախ նույնիսկ չէր հիշում այդ վիճակում տեղի ունեցածը։ 2023 թվականին նա նույնիսկ կորցրել է աշխատանքը, քանի որ նրան համարել են ալկոհոլային կախվածություն ունեցող մարդ։

Բժիշկների հետազոտությունները ցույց են տվել, որ պատճառը եղել է այսպես կոչված ավտոգարեջրագործության համախտանիշը՝ չափազանց հազվադեպ հիվանդություն, որի դեպքում աղիքային միկրոֆլորայի խանգարման հետևանքով որոշ բակտերիաներ և սնկեր սկսում են արտադրել էթանոլ։ Արդյունքում օրգանիզմում ալկոհոլն առաջանում է ավելի արագ, քան հասցնում է քայքայվել։ Աշխարհում նման դեպքեր գրանցվել են հարյուրից քիչ, իսկ բժիշկներն այժմ դիտարկում են նաև աղիքային միկրոֆլորայի վերականգնման նոր մեթոդների կիրառումը։