ՆԱՏՕ-ի անդամ երկիրը չի պատրաստվում հրաժարվել ռուսական գազից

Թուրքիան և Ռուսաստանը քննարկում են բնական գազի մատակարարման պայմանագրերի երկարաձգումը 2026 թվականից հետո, քանի որ գործող համաձայնագրերի ժամկետը լրանում է այս տարվա դեկտեմբերի վերջին։ Այս մասին հայտնել է Bloomberg-ը։

Թուրքիայի էներգետիկայի նախարար Ալփարսլան Բայրաքթարի խոսքով՝ բանակցությունները ընթանում են թուրքական պետական Botas ընկերության և ռուսական «Գազպրոմ» ընկերության միջև։ Այս փուլում մատակարարվելիք ծավալներն ու նոր պայմանագրերի ժամկետները դեռ վերջնականապես համաձայնեցված չեն։

Ավելի վաղ Անկարան արդեն երկարաձգել էր «Գազպրոմի» հետ երկու առանձին պայմանագիր՝ «Թուրքական հոսք» և «Կապույտ հոսք» գազատարներով գազի ստացման համար։ Միաժամանակ նշվում է, որ Թուրքիայի տնտեսության աճը 2026 թվականի առաջին եռամսյակում կազմել է ընդամենը 0,1 տոկոս՝ սպասվածից ավելի թույլ արդյունք գրանցելով։

Մայիսին էլ Թուրքիայի կենտրոնական բանկը վերանայել էր գնաճի կանխատեսումները՝ տարածաշրջանային էներգետիկ շուկաներում առաջացած անորոշության և Մերձավոր Արևելքում մատակարարումների խափանումների ֆոնին։