Արեգակի մոտ «սրտխփոց» է արձանագրվել, որը կարող է ազդել Երկրի վրա

Աստղագետները հայտնաբերել են, որ Արեգակի մոտ «սրտխփոց» է արձանագրվել: Բիրմինգհեմի համալսարանի գիտնականների կարծիքով՝ սա կարող է վկայել աստղի ներսում մագնիսական պրոցեսների վերակառուցման մասին, որոնք ազդում են արեգակնային ակտիվության և Երկրի վրա ազդող տիեզերական եղանակի վրա: Ուսումնասիրության արդյունքները հրապարակվել են Monthly Notices of the Royal Astronomical Society (MNRAS) ամսագրում:

Հետազոտողները օգտագործել են հելիոսեյսմոլոգիա՝ Արեգակի ներսում տարածվող ձայնային ալիքների ուսումնասիրությունը: Այս տատանումները թույլ են տալիս նրանց նայել աստղի ներքին շերտը և հետևել մակերեսին անտեսանելի փոփոխություններին:

Գիտնականները վերլուծել են 1987-2025 թվականներին BiSON աստղադիտակներով հավաքված տվյալները: Նրանք պարզել են, որ սկսած մոտավորապես 23-րդ արեգակնային ցիկլից՝ Արեգակի ներքին տատանումների և նրա ակտիվության ավանդական չափումների միջև կապը աստիճանաբար փոխվում է: