Կրեմլը հայտարարել է՝ Ուկրաինայում պատերազմը կարելի է արագ ավարտել որոշակի պայմանով

Կրեմլի մամուլի քարտուղար Դմիտրի Պեսկովը հայտարարել է, որ Ուկրաինայում ռազմական գործողությունները կարող են ավարտվել շատ կարճ ժամկետում, եթե Ուկրաինայի նախագահ Վլադիմիր Զելենսկին հրաման տա ուկրաինական զորքերին դուրս գալ այն տարածքներից, որոնք Ռուսաստանը համարում է իր կազմի մեջ մտնող շրջաններ։

Պեսկովի խոսքով՝ Մոսկվան բազմիցս ներկայացրել է իր պատկերացումները հակամարտության ավարտի վերաբերյալ և պնդում է, որ քաղաքական որոշումների առկայության դեպքում հնարավոր է արագ հասնել ռազմական գործողությունների դադարեցման։

Միաժամանակ ավելի վաղ Ուկրաինայի նախագահի աշխատակազմի ղեկավար Կիրիլ Բուդանովը հայտարարել էր, որ Կիևում նպատակ են դրել մինչև ձմեռ հասնել ռազմական գործողությունների դադարեցմանը՝ այդ նպատակը գնահատելով որպես իրատեսական և ժամանակին։