Ռուսաստանում գնահատել են հայկական մրգերից և հատապտուղներից կախվածության մակարդակը

Տնտեսագետ Աննա Ֆեդյունինայի գնահատմամբ՝ հայկական մրգերի և հատապտուղների մասնաբաժինը Ռուսաստանի ներմուծման ընդհանուր կառուցվածքում ներկայում կազմում է մոտ 2 տոկոս։

Խոսքը վերաբերում է ծիրանին, կեռասին, դեղձին, նեկտարինին և սալորին։ Փորձագետի խոսքով՝ Հայաստանից այս ապրանքների ներմուծման սահմանափակումները էական ազդեցություն չեն ունենա ռուսական խանութների տեսականու վրա, քանի որ կախվածությունը թե՛ ծավալային, թե՛ արժեքային առումով փոքր է։ Ֆեդյունինան նշել է, որ ռուսական շուկայի հիմնական մատակարարներն այս ոլորտում Թուրքիան, Ուզբեկստանը և Ադրբեջանն են, որոնց համատեղ մասնաբաժինը գերազանցում է ներմուծման 80 տոկոսը։

Հունիսի 2-ից Ռուսաստանը ժամանակավոր սահմանափակումներ է սահմանել Հայաստանից նշված մրգերի և հատապտուղների ներմուծման նկատմամբ։ Ռուսաստանի համապատասխան մարմինները որոշումը հիմնավորել են ֆիտոսանիտարական պահանջների խախտումների դեպքերի աճով և հայտնել, որ մատակարարվող արտադրանքի մի մասը չի համապատասխանել գործող չափանիշներին։