Գերմանիայի կանցլերը հայտարարել է, որ երկիրը չափազանց թանկ է դարձել բիզնեսի համար
Աշխարհ
Գերմանիայի կանցլեր Ֆրիդրիխ Մերցը հայտարարել է, որ երկրի տնտեսության մրցունակության թուլացման հիմնական պատճառներից մեկն այն է, որ Գերմանիան չափազանց թանկ է դարձել բիզնես վարելու համար։
Նրա խոսքով՝ երկիրը գնային առումով այլևս չի կարող հավասար մրցակցել այն տարածաշրջանների հետ, որոնց հետ պայքարում է ներդրումների և արտադրության համար։ Մերցը նշել է, որ այս գնահատականը կարող է բոլորին չգոհացնել, սակայն, իր կարծիքով, անհրաժեշտ է ընդունել առկա իրավիճակը։
Ավելի վաղ հրապարակված տնտեսական տվյալները ցույց էին տվել, որ Գերմանիայում տնտեսական պայմանների գնահատման ցուցանիշը շարունակել է վատթարանալ։ Փորձագետները դրա պատճառների թվում նշել էին արդյունաբերական արտադրության թույլ աճը, էներգակիրների թանկացումը և 2 տոկոսից բարձր գնաճը։
Ապրիլին Մերցը նաև հայտարարել էր, որ վերջին երկու տասնամյակների ընթացքում գերմանական հասարակությունը չափազանց հարմարվել է բարեկեցության պայմաններին և կոչ էր արել ավելի ակտիվ աշխատել՝ միաժամանակ առաջարկելով վերանայել սոցիալական ծախսերը։
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
