Նշվել է սմարթֆոնի մարտկոցի ծառայության ժամկետի կրճատման հիմնական պատճառը
Աշխարհ
Տեխնոլոգիական BGR պարբերականի գնահատմամբ՝ սմարթֆոնների մարտկոցների ծառայության ժամկետի կրճատման հիմնական պատճառներից մեկը արագ լիցքավորման ընթացքում առաջացող գերտաքացումն է։
Մասնագետների խոսքով՝ արագ լիցքավորման տեխնոլոգիան ինքնին վտանգավոր չէ, սակայն բարձր ջերմաստիճանը երկարատև օգտագործման դեպքում կարող է արագացնել մարտկոցի արդյունավետության նվազումը։ Հատկապես ռիսկերը մեծանում են անորակ լիցքավորիչների կամ անհամատեղելի պարագաների օգտագործման դեպքում։
Հոդվածում նշվում է, որ ցածր հզորությամբ սովորական լիցքավորման ժամանակ սարքն ավելի դանդաղ է լիցքավորվում, սակայն ավելի քիչ է տաքանում։ Իսկ արագ լիցքավորման դեպքում մարտկոցը միշտ չէ, որ հասցնում է արդյունավետ ընդունել ամբողջ էներգիան, ինչի հետևանքով բարձրանում է ջերմաստիճանը։
Փորձագետները խորհուրդ են տալիս օգտագործել միայն բնօրինակ կամ վստահելի արտադրողների լիցքավորիչներ, խուսափել գերտաքացումից և լիցքավորման ընթացքում պահպանել նորմալ ջերմաստիճանային պայմաններ։
Նրանց գնահատմամբ՝ որքան քիչ ծանրաբեռնվի մարտկոցը, այնքան երկար կպահպանվի դրա արդյունավետ աշխատանքը։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
